![Sikh Siyasat News - Latest Sikh News from Punjab and around the globe](/wp-content/uploads/2015/09/sikh_siyasat.jpg)
May 8, 2024 | By ਸਿੱਖ ਸਿਆਸਤ ਬਿਊਰੋ
ਚੰਡੀਗੜ੍ਹ – ਸਿੱਖ ਫੈਡਰੇਸ਼ਨ ਆਗੂ ਭਾਈ ਗੁਰਮੀਤ ਸਿੰਘ ਖਨਿਆਣ ਦੇ ਮਾਤਾ ਸਤਵੰਤ ਕੌਰ ਜੀ ਜੋ ਪਿਛਲੇ ਕੁੱਝ ਸਮੇਂ ਤੋਂ ਬਿਮਾਰ ਚੱਲ ਰਹੇ ਸਨ, ਅਕਾਲ ਪੁਰਖ ਵੱਲੋ ਬਖਸੀ ਸਵਾਸਾ ਦੀ ਪੂੰਜੀ ਭੋਗ ਕੇ 7 ਮਈ ਨੂੰ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਕਹਿ ਗਏ ਹਨ।
ਮਾਤਾ ਸਤਵੰਤ ਕੌਰ ਜੀ
ਸ਼ਹੀਦ ਸੰਤ ਜਰਨੈਲ ਸਿੰਘ ਖਾਲਸਾ ਭਿੰਡਰਾ ਵਾਲਿਆਂ ਵੱਲੋਂ ਅਰੰਭੇ ਸੰਘਰਸ਼ ਦੌਰਾਨ ਦਰਬਾਰ ਸਾਹਿਬ ਤੇ ਹੋਏ ਜੂਨ 84 ਦੇ ਹਮਲੇ ਤੋਂ ਬਾਅਦ ਸਰਕਾਰੀ ਜੁਲਮ ਦੀ ਲਪੇਟ ਚ ਇਹ ਪਰਿਵਾਰ ਵੀ ਆਇਆ। ਭਾਈ ਗੁਰਮੀਤ ਸਿੰਘ ਦੇ ਘਰੋ ਭਗੌੜੇ ਹੋਣ ਬਾਅਦ ਮਾਤਾ ਸਤਵੰਤ ਕੌਰ ਅਤੇ ਸਵਰਗਵਾਸੀ ਪਿਤਾ ਸਮਿੰਦਰ ਸਿੰਘ ਨੇ ਲੰਮਾਂ ਸਮਾਂ ਸੁਮੇਧ ਸੈਣੀ, ਸ਼ਿਵ ਕੁਮਾਰ ਦੇ ਤਸ਼ਦੱਦ ਨੂੰ ਅਪਣੇ ਸਰੀਰ ਤੇ ਅਡੋਲ ਝੱਲਿਆ। ਜ਼ਿਕਰਯੋਗ ਹੈ ਕਿ ਮਾਤਾ ਸਤਵੰਤ ਕੌਰ ਜੀ ਦੇ ਦੋ ਭਾਣਜੇ ਸ਼ਹੀਦ ਭਾਈ ਰਛਪਾਲ ਸਿੰਘ ਪਾਲਾ (ਕਰਨਾਣਾ) ਅਤੇ ਭਾਈ ਅਵਤਾਰ ਸਿੰਘ ਮਿੰਟੂ (ਕਰਨਾਣਾ) ਵੀ ਇਸ ਸੰਘਰਸ਼ ਚ ਸ਼ਹੀਦ ਹੋਏ ਹਨ।
ਭਾਈ ਗੁਰਮੀਤ ਸਿੰਘ ਖੁਨਿਆਣ
35 ਸਾਲ ਤੋਂ ਜਲਾਵਤਨ ਹੋਏ ਪੁੱਤਰ ਭਾਈ ਗੁਰਮੀਤ ਸਿੰਘ ਖਨਿਆਣ (ਜਰਮਨੀ) ਨੂੰ ਮਾਤਾ ਜੀ 18 ਸਾਲ ਬਾਅਦ ਸਿਰਫ ਇੱਕ ਵਾਰੀ ਹੀ ਮਿਲ ਸਕੇ ਮੁੜ ਮਿਲਣ ਦਾ ਸਬੱਬ ਨਾਂ ਬਣ ਸਕਿਆ। ਮਾਤਾ ਜੀ ਦੀ ਅੰਤਿਮ ਅਰਦਾਸ 12 ਮਈ, ਦਿਨ ਐਤਵਾਰ ਜੱਦੀ ਪਿੰਡ ਖਨਿਆਣ ਨੇੜੇ ਅਮਲੋਹ, ਜ਼ਿਲ੍ਹਾ ਫਤਿਹਗੜ੍ਹ ਸਾਹਿਬ ਵਿਖੇ ਅਖੰਡ ਪਾਠ ਸਾਹਿਬ ਦੇ ਭੋਗ ਪਿੰਡ ਸਥਾਨਿਕ ਗੁਰਦੁਆਰਾ ਸਾਹਿਬ ਵਿਖੇ 12 ਵਜੇ ਪਾਏ ਜਾਣਗੇ।
Related Topics: Bhai Gurmeet Singh Khunian, Sikh Federation Germany