ਇਸ ਮਾਰਚ ਵਿਚ ਵੱਡੀ ਗਿਣਤੀ ਵਿਚ ਕਸ਼ਮੀਰੀ ਸੱਜਣ ਤੇ ਸਿੱਖ ਸੰਗਤਾਂ ਸ਼ਾਮਲ ਹੋਈਆਂ। ਕਸ਼ਮੀਰ ਦੇ ਸੱਜਣਾ ਇਸ ਮੌਕੇ ਕਿਹਾ ਕਿ,“ਉਹ ਆਮ ਸਿੱਖ ਸੰਗਤਾਂ ਤੇ ਭਾਰਤੀ ਫੌਜ ਵਿਚ ਨੌਕਰੀ ਕਰਦੇ ਭਾਰਤ ਪੱਖੀ ਸਿੱਖਾਂ ਵਿਚਲੇ ਅੰਤਰ ਨੂੰ ਚੰਗੀ ਤਰ੍ਹਾਂ ਨਾਲ ਸਮਝਦੇ ਹਨ। ਜਦ ਕੋਈ ਸਿੱਖ ਫੌਜੀ ਸਾਡੇ ੳੁੱਤੇ ਕਸ਼ਮੀਰ ਵਿਚ ਭਾਰਤ ਦੀ ਤਰਜ਼ ਉੱਤੇ ਜ਼ੁਲਮ ਕਰਦਾ ਹੈ ਤਾਂ ਤਦ ਅਸੀ ਸਮੁੱਚੀ ਸਿੱਖ ਕੌਮ ਪ੍ਰਤੀ ਦੁਸ਼ਮਣੀ ਮਨਾਂ ਵਿਚ ਨਹੀਂ ਰੱਖਦੇ। ਹਰ ਕਸ਼ਮੀਰੀ ਬੱਚਾ, ਬਜ਼ੁਰਗ, ਨੌਜਵਾਨ, ਬੀਬੀਆਂ ਸਭ ਇਸ ਸੱਚ ਤੋਂ ਵਾਕਫ਼ ਹਨ ਕਿ ਭਾਰਤ ਸਰਕਾਰ ਸਾਨੂੰ (ਸਿੱਖ ਤੇ ਕਸ਼ਮੀਰੀਆਂ) ਨੂੰ ਆਪਸ ਵਿਚ ਦੁਸ਼ਮਣ ਬਣਕੇ ਲੜਵਾਉਣ ਲਈ ਅਜਿਹੀਆਂ ਚਾਲਾ ਚੱਲਦੀ ਹੈ। ੩-੪ ਮਹੀਨੇ ਪਹਿਲਾਂ ਜਦ ਪੂਰੇ ਦੇਸ਼ ਵਿਚ ਹਿੰਦੂਵਾਦੀ ਸੋਚ ਦੇ ਧਾਰਨੀ ਭਾਰਤੀ ਕਸ਼ਮੀਰੀ ਲਈ ਖਤਰਾ ਬਣ ਗਏ ਸਨ ਤਾਂ ਉਸ ਵੇਲੇ ਸਿੱਖ ਕੌਮ ਨੇ ਹੀ ਕਸ਼ਮੀਰ ਤੋਂ ਬਾਹਰ ਵਸਦੇ ਕਸ਼ਮੀਰੀਆਂ ਦੀ ਸਾਰ ਲਈ ਸੀ, ਇਨ੍ਹਾਂ ਹਿੰਦੂਵਾਦੀ ਭਾਰਤੀ ਵਾਸੀਆਂ ਕੋਲੋ ਬਚਾਇਆ ਸੀ”।